Pain (ការឈឺចាប់)

ការឈឺចាប់

            ការឈឺចាប់ជាមូលហេតុដ៏ញឹកញាប់ នៃការពិគ្រោះជំងឺ។  ការឈឺចាប់អាស្រ័យទៅនឹង  ដំណើរវិវត្តន៍ នៃជំងឺផ្សេងៗ ។ គឺជាវេទនារម្មណ៍ យោលទៅតាមបុគ្គលម្នាក់ៗ ។ ការឈឺចាប់ដូចគ្នា អាចសំដែងចេញមកខុសគ្នាទៅតាមអ្នកជំងឺពីម្នាក់ទៅ ម្នាក់  និងទៅតាមវប្បធម៌អ្នកជំងឺផង។  ពោលគឺមានភាពស្មុគស្មាញ  ដែលចោទជាបញ្ហា។ ដំណោះស្រាយមួយដែលត្រូវធ្វើ គឺត្រូវអោយមានការ ពិនិត្យរោគដោយប្រព័ន្ធមួយច្បាស់លាស់ និងអោយបានសព្វគ្រប់ តាមដែលអាចធ្វើបាន។ ជាញឹកញយ គេរកមិនឃើញមូលហេតុណាមួយច្បាស់លាស់ដែលធ្វើអោយឈឺចាប់នោះទេ បញ្ហានេះ គឺវាបណ្តាលមកពី ជំងឺចិត្តសាស្រ្ត ជះឥទ្ធិពលដល់រាងកាយ  និងដល់នាទីសរីរៈ  ក្នុងបរិការណ៍វប្បធម៌ពិសេសមួយ ។

រោគសញ្ញា គ្លីនិក

ការពិនិត្យរោគ ត្រូវបញ្ជាក់ច្បាស់ពី៖

–      ការលៈទេសៈពេលចាប់ផ្តើម ៖  គំហ៊ុក  សន្សឹមៗ  ឬរ៉ាំរ៉ៃ ។

–      ទីកន្លែងឈឺចាប់ ៖  ឈឺក្បាល  ឈឺពោះ  ឈឺទ្រូង  ឈឺសន្លាក់  ឈឺសាច់ដុំ

–      ប្រភេទនៃការឈឺចាប់ ៖ ចុក  ក្រហាយ  ឈឺរមួល  ស៉្បាស់ (កន្ត្រាក់រួញរឹង)​ ធ្ងន់ៗ ឈឺបាត់ៗ  ឬ ឈឺជាប់រហូត..

–      សញ្ញារួមផ្សំទូទៅ (គ្រុន  ហេវហត់  ចុះស្គម...) និងសញ្ញាដោយកន្លែង (ក្អក រាក  ក្អួត  រលាកក្នុងផ្លូវនោម...)

ការពិនិត្យត្រូវតែធ្វើមួយម្តងៗ លើសរីរាង្គ ឬកន្លែងណាដែលឈឺចាប់ និងលើប្រដាប់ផ្សេងទៀត ដោយវាយតំលៃពី សភាពចិត្តសាស្រ្តផង។ សំយោគព័តមានដែលទទួលបាន ក្នុងឱកាសពិនិត្យរោគខាងលើ អាចបញ្ជាក់បានពី មូលហេតុ និងអាចតំរង់ទិសដៅនៃការព្យាបាល តាមរោគសញ្ញា និងតាមមូលហេតុ បង្ករោគ ។ ជាញឹកញយ ការពិនិត្យរោគសញ្ញាច្រើនមិនបានទទួលលទ្ធផលអ្វីទេ  ដូច្នេះបង្កើតបានជា បញ្ហាទទួលបន្ទុកអ្នកជំងឺខ្លះដែលមាន សរីរាង្គដំណើរការមិនល្អ (វិបត្តិមុខងារ) ។ វាពុំមានដំណោះស្រាយណា អាចព្យាបាលបានគ្រប់សព្វទាំងអស់ទេ ក៏ប៉ុន្តែគេត្រូវតែពិនិត្យអោយម៉ត់ចត់ (ស្ទាប) បន្ថែមនូវផ្នែកណាមួយ ដែលឈឺចាប់ផង ។

ការព្យាបាល

តាមមូលហេតុបង្ករោគ

យោលតាមរោគវិនិច្ឆ័យ នៃមូលហេតុ បង្ករោគដែលមានប្រយោជន៍

–      តាមរោគសញ្ញាតាមប្រភេទនៃ ការឈឺចាប់ ៖ ចំពោះការឈឺចាប់មិនកំណត់កន្លែង ហើយចាក់ដោតទៅជាច្រើន កន្លែងដោយមាន ឬគ្មានការអស់កំលាំង មាន ឬគ្មានវិបត្តិផ្លូវចិត្ត  ៖ ស្នើសុំអោយប្រើឱសថបុរាណ ។ បើអ្នកជំងឺ ទាថ្នាំអោយៈ ប៉ារ៉ាសេតាម៉ុល លេប ៖ ១,៥ក្រ/ថ្ងៃ ចែកជា៣ដង/ថ្ងៃ x ៣ ទៅ ៥ថ្ងៃ ។

–      ឈឺក្បាល ព្យាបាលដូចគ្នា

–      ចំពោះការឈឺចាប់ តាមសន្លាក់

•មកពីការប៉ះទង្គិច (ជំងឺសន្លាក់)

អាស៊ីតអាសេទីសាលីស៊ីលិច (អា.អា.អេស)

មនុស្សធំ ៖ ៣ក្រ/ថ្ងៃ ចែកជា ៣ដង

ក្មេង ៖  ៥០មក្រ/គក្រ/ថ្ងៃ ដោយចែកជា៣ដង x ៣ទៅ ៥ថ្ងៃ

•ជំងឺរលាក (អាំងហ្លា ម៉ាស្យុង) ដែលឈឺខ្លាំងពេលយប់ ៖ ជំងឺខូចសន្លាក់ស្រួច

រកមូលហេតុឆ្លងេមរោគ ៖ រលាកសន្លាក់ (មានចាក់បូម  ជាយថាហេតុ  វះបង្ហូរទឹកឬទេ?) ប្រើអង់ទីប៊ីយោទិក

បើ អា.អា.អេស ៖ គ្មានប្រសិទ្ធភាពប្រឆាំង និងជំងឺរលាកទេ អោយអាំងដូមេតាស៊ីន លេប ៖

មនុស្សធំ ៖ ៥០០ ទៅ ១០០០មក្រ/ថ្ងៃ ចែកជា ៣ដង x១៥ថ្ងៃយ៉ាងតិច

ក្មេង ៖​ ១០០ ទៅ ៣០០ មក្រ/ថ្ងៃ ចែកជា៣ដង x ១៥ថ្ងៃយ៉ាងតិច

បង្ការជាមុន (អោយបរិភោគផ្លែឈើ បន្លែបៃតង...)។ បើធ្វើមិនបានទេ ត្រូវបង្ការដោយប្រឱសថតែម្តងៈ

ជីវជាតិសេ ៥០ ទៅ ១០០មក្រ/ថ្ងៃ (ទាំងចាស់ ទាំងក្មេង)

–      ការឈឺចាប់បែបស្ប៉ាស់ (កន្រ្តាក់រួញរឹង)៖

•ផ្លូវអាហារ ៖ ទំលាកដង្កូរ  ព្រូនពោះវៀន  ហាមអោយ អា.អា.អេស (អាចធ្វើអោយដំបៅក្រពះ) តាមទំហំនៃ ការឈឺចាប់ គេប្រើ៖

ប៊ុយទីលអ៊ីយ៉ូស៊ីន លេប៖

មនុស្សធំ ៖ ៣០ទៅ៦០ មក្រ/ថ្ងៃ ដោយចែកជា ៣ដង x ៣ទៅ៥ថ្ងៃ

បើឈឺខ្លាំង ៖

អាត្រូពីនចាក់ ៖

មនុស្សធំ ៖ ០,៥ទៅ១មក្រ ចាក់ក្រោមស្បែក

ក្មេង ៖ ០,០៧ ទៅ ០,០២ មក្រ/គក្រ ចាក់ក្រោមស្បែក

•ប្រដាប់បន្ត ពូជ នោម និង ប្រមាត់... ព្យាបាលដូចគ្នា  បន្ថែមពីលើនោះគេអាចរួមផ្សំ នរអាមីដូពីនីន ចាក់ បើ មាន(និង មានចុះឈ្មោះថ្នាំនេះទៅក្នុងបញ្ជីរឱសថជាតិផង)

មនុស្សធំ ៖ ៥០០មក្រ ចាក់សាច់ដុំ  ឬចាក់សរសៃយឺតៗ

ការឈឺចាប់ដោយជំងឺវិវត្ត ខ្លាំងបំផុត (ឧទាហរណ៍ មហារីក)